Huruma ya Mungu ni muhtasari wa historia nzima ya ukombozi wa mwanadamu unaofikia kilele chake katika Fumbo la Msalaba, yaani: mateso, kifo na ufufuko wa Kristo Yesu kutoka kwa wafu. Baba Mtakatifu Francisko anawaalika waamini kumwilisha huruma ya Mungu katika matendo ya huruma.

Baraza la Kipapa la Ibada na Nidhamu ya Sakramenti za Kanisa linafafanua kwamba, maadhimisho ya Sherehe ya Bikira Maria Mama wa Kanisa iliyoridhiwa na Baba Mtakatifu Francisko yanaanza rasmi mwaka 2018 na kwamba, hata kama kuna kumbu kumbu za hiyari, kipaumbele cha kwanza kiwe kwa B.Maria.

Baba Mtakatifu Francisko ameridhia kwamba, kuanzia sasa Siku kuu ya Bikira Maria Mama wa Kanisa itakuwa inaadhimishwa na Kanisa zima, Jumatatu mara baada ya Sherehe ya Pentekoste kwa kutambua dhima na mchango wa Bikira Maria Mama wa Mungu katika historia nzima ya ukombozi.

Waamini wanapaswa kumwomba Roho Mtakatifu ili aweze kuwakirimia ujasiri na kipaji cha nguvu ili kuvunjilia mbali kuta za utengano zinazoendelea kujengwa miongoni wa watu wa mataifa kutokana na vita, kinzani na mipasuko ya kidini, kisiasa, kikabila na kijamii, inayojenga hofu na mashaka!

Maadhimisho ya Mtaguso mkuu wa Pili wa Vatican yaliliwezesha Kanisa kushuhudia kwa namna ya pekee uwepo wa Roho Mtakatifu miongoni mwa watoto wake! Huu ukawa ni mwanzo wa kuibuka kwa vyama mbali mbali vya kitume ili kushuhudia imani inayomwilishwa katika: Neno na Huduma makini!

Roho Mtakatifu ni mhusika mkuu katika kuwafunda na kuwaunda Wakristo, changamoto na mwaliko kwa Wakristo kumwachia nafasi Roho Mtakatifu ili aweze kuwafundisha, kuwakumbusha, kuwatakasa na kuwaongoza katika mambo msingi ya maisha na utume wa Kanisa, kielelezo cha ushuhuda makini.

Baba Mtakatifu Francisko kwa kuungana na viongozi wakuu wa Chama cha Udugu wa Kikatoliki Duniani, Huduma ya Uamsho wa Kikatoliki pamoja na viongozi mbali mbali wa Makanisa na Madhehebu ya Kikristo, wameongoza bahari ya Wakristo kutangaza na kushuhudia kwamba, Kristo ni Bwana!

Baba Mtakatifu Francisko anasema, Roho Mtakatifu ni Muumbaji kwani anapyaisha maisha na utume wa Kanisa; anawajalia Mitume uwezo wa kuunganishwa katika mawasiliano ili kutangaza na kushuhudia imani yao kwa Kristo Yesu, aliyeteswa, akafa na kufufuka kwa wafu!