Mitandao ya kijamii:

RSS:

Radio Vatican

Sauti ya Papa na Kanisa katika majadiliano na ulimwengu

Lugha:

Baba Mtakatifu Francisko \ Nyaraka

Siku ya Kuombea Utunzaji Bora wa Mazingira, 2017

Papa Francisko na Patriaki Bartolomeo wa kwanza wanawasihi viongozi wa Jumuiya ya Kimataifa kuwasikiliza kwa makini maskini wanaoathirika kutokana na uharibifu wa mazingira! - AFP

30/08/2017 15:35

Baba Mtakatifu Francisko mara baada ya Katekesi yake kwenye Uwanja wa Kanisa kuu la Mtakatifu Petro mjini Vatican, Jumatano tarehe  30 Agosti 2017 amekumbusha kwamba, tarehe 1 Septemba 2017, itakuwa ni Siku ya Kuombea Utunzaji Bora mazingira, iliyoanzishwa, kunako mwaka 2016, ili kusaidia kulinda, kutunza na kudumisha mazingira bora nyumba ya wote. Baba Mtakatifu anakaza kusema, katika maadhimisho ya Siku hii, ameshirikiana na Patriaki Bartolomeo wa Kwanza kuandika Ujumbe unaowahamasisha waamini kujizatiti katika utunzaji bora wa mazingira nyumba ya wote!

Wanakazia umuhimu wa kuwajibika na kuheshimu kazi ya uumbaji ambayo binadamu amekabidhiwa kuilinda, kuitunza na kuiendeleza kwa ajili ya ustawi, maendeleo na mafao ya wengi. Viongozi wa Kanisa wanawataka wakuu wa Jumuiya ya Kimataifa na watu wenye ushawishi mkubwa katika medani za kimataifa kusikiliza kilio cha dunia na kilio cha maskini, ambao wanateseka sana kutokana na athari za mabadiliko ya tabianchi!

Na Padre Richard. Mjigwa, C.PP.S.

Idhaa ya Kiswahili ya Radio Vatican.

30/08/2017 15:35